Kókoskúlur
Annar pósturinn minn um Ladies Circle fundinn kemur hér. Hann er um möndlusmjörskókoskúlurnar. Reyndu að segja þetta nokkrum sinnum hratt!
Kúlurnar eru mjög auðveldar í gerð og góðar í munni. Þær verður að geyma í ísskáp og jafnvel má geyma þær í frysti, þá er auðvelt að grípa í eina og eina þegar sætindaþörfin er að bera mann ofurliði.
Innihaldsefnin eru bara 5 og uppskriftin gæti ekki verið einfaldari, ekki þarf að baka kúlurnar, einungis að kæla og eru tilbúnar á hálftíma.
Innihald
1 bolli möndlusmjör
1/4 bolli kakóduft
1/3 bolli hlynsýróp
1/3 bolli kókoshveit
kókosmjöl til að velta kúlunum uppúr
Aðferð
Blandið öllum innihaldsefnum saman í skál.
Mótið mátulega stórar kúlur úr deiginu og veltið upp úr kókosmjöli.
Frystið í 30 mínútur.